Fərid İsgəndərov
Bank Respublika ASC – İT Mütəxəssisi
Bank Respublika ASC – İT Mütəxəssisi Confiq.az – Təhlükəsizlik Sistemləri üzrə Texnik Orient Academy – Helpdesk Təlimçisi İskəndərov Fərid Azərbaycan Dövlət Neft və Sənaye Universiteti nəzdində Bakı Neft-Energetika Kollecində təhsil almışdır. Təhsilini tamamladıqdan sonra 6 ay praktiki şəkildə İT-HelpDesk kursu keçmiş və uğurla İT-HelpDesk sertifikatını əldə etmişdir. İnformasiya texnologiyaları və texniki dəstək sahəsində 3 ildən çox peşəkar təcrübəyə sahib olan Fərid müəllim hal-hazırda ölkənin aparıcı banklarından biri olan “Bank Respublika” ASC-də İT mütəxəssisi kimi fəaliyyət göstərir. O, bu müddət ərzində istifadəçi dəstəyi, sistemlərin sazlanması, avadanlıqların idarə olunması və texniki problemlərin operativ həlli istiqamətində geniş təcrübə qazanmışdır. Bununla yanaşı, Fərid müəllim 2 ildən çoxdur ki, “Confiq.az” şirkətində təhlükəsizlik sistemləri üzrə texnik kimi çalışır. O, fəaliyyət dövründə müşahidə kameraları, girişə nəzarət sistemləri, şəbəkə avadanlıqları və digər təhlükəsizlik həllərinin quraşdırılması, sazlanması və texniki dəstəyi sahəsində aktiv iştirak etmişdir. Hal-hazırda Fərid müəllim “Orient Academy”də Helpdesk təlimçisi olaraq fəaliyyət göstərir. Təlimlərində tələbələrə kompüter avadanlıqları, əməliyyat sistemləri, texniki problemlərin diaqnostikası, şəbəkə əsasları və Helpdesk sahəsinin praktiki tərəflərini öyrədir. Onun məqsədi tələbələri real iş mühitinə hazırlamaq və İT sahəsində peşəkar inkişaflarına dəstək olmaqdır.
